Dende o colectivo
STOP Desafiuzamentos A Coruña queremos dar as grazas aos grupos
KONFLIKTO e DEF CON DOS por criticar públicamente onte durante a
celebración do Festival Independente de Rock Coruñés (FIRC) a
represión que estamos a sufrir os movementos sociais (MMSS) da
cidade da Coruña.
Como
estamos denunciando dende fai unhas semanas ca campaña “Múltannos
a nós para asustarte a ti”[1],
a medida que a crise económica e a corrupción política estrangula
máis e máis á cidadanía, asistimos
na Coruña a unha continua persecución policial da liberdade de
expresión e manifestación,
onde o hostigamento
económico contra calquera iniciativa crítica, comunitaria,
solidaria ou reivindicativa está asegurado.
Estes
ataques evidencian que o alcalde Carlos Negreira, o Delegado
do Goberno Samuel Juárez e o Subdelegado Jorge Atán
teñen a explícita vontade de reprimir a expresión pública
dunha cidadanía crítica que pon en evidencia os seus abusos
políticos.
Nós
mesmas levamos xa 5.500€ en multas vinculadas tanto á
paralización do desafiuzamento de Aurelia Rey como a unha
concentración convocada a nivel estatal diante das sedes do Partido
Popular o pasado 9 de abril.
E se
ben estamos moi contentas e agradecidas polo extraordinario apoio
solidario que recebimos por parte dos grupos DEF CON DOS e KONFLIKTO,
así coma a simpatía dos milleiros de persoas que acudiron a dito
encontro musical, queremos sinalar que o Festival Independente de
Rock Coruñés, como actividade patrocinada polo Concello da Coruña
que é, non deixou de revelarse tamén coma un espazo onde a
criminalización de movementos sociais estivo presente.
É
sabido que a mellor censura é a autocensura: conseguir que as
persoas decidan por si mesmas non se pronunciar criticamente contra
os poderes públicos por medo ás consecuencias. E desgraciadamente
esta presión tíñaa moi patente onte a empresa encarregada de
xestionar o FIRC.
Así,
malia a que dende os grupos KONFLIKTO e DEF CON DOS fíxose todo o
posible por conseguir que varias/os representantes de STOP
Desafiuzamentos subiran ao escenario e mesmo poideramos ler un
pequeno manifesto contra a criminalización da solidariedade,
traballadores da empresa transmitíronnos o seu temor pola
posibilidade de deixar de seren contratados para seguintes eventos.
De nada servíu que mesmo o manager de DEF CON DOS insistira durante
un bon rato… En resumo, unha nova proba de que “múltannos a nós
para asustarte a ti”.
Por
sorte, dando mostra dunha total coherencia cas letras das súas
cancións, ámbolos dous grupos musicais optaron por introducir
eles mesmos a nosa pancarta reivindicativa, colocar unha camiseta de
STOPDesafiuzamentos no centro do escenario e adicar unhas palabras
contra a represión dos movementos sociais.
Polo
tanto, ao tempo que reiteramos o noso agradecemento a KONFLIKTO e
DEF CON DOS, tamén queremos amosar unha certa comprensión e
solidariedade cos traballadores da entidade encarregada da xestión
do FIRC.
Porén,
non podemos deixar de evidenciar que a
programación cultural do Concello da Coruña chegou onte a unhas
cotas de hipocresía realmente asombrosas. Mentras
tenta manter unha imaxe de Concello “aberto e moderno” convidando
e financiando a grupos musicais que cantan “España
es idiota”
ou “desastre, desahucio,
patada en la puerta, el agente de turno, el juzgado lo manda, y con
la ley en la mano, pero no la razón, me han echado de casa, que me
vaya a vivir debajo de un puente o que busque cobijo en algún
albergue”, o
clima de criminalización da protesta que se respira na Coruña chega
a tal punto que ata hai medo de permitir subir unha pancarta ou ler
un manifesto que aborde seriamente esta realidade.
Vídeo
DefConDos “Contra a criminalización dos MMSS”:
Vídeo
KONFLIKTO “Contra a criminalización dos MMSS”:
Imaxes
apoio DefConDos e KONFLIKTO contra a represión dos MMSS:
http://s1331.photobucket.com/user/STOP_DESAFIUZAMENTOS_A_CORUNHA/library/
[1]
Vídeo da manifestación
“MÚLTANNOS A NÓS PARA ASUSTARTE A TI”, celebrada na Coruña o
pasado 11 de xullo de 2013:
http://www.youtube.com/watch?v=AIipswwxH-g
No hay comentarios:
Publicar un comentario