No día de hoxe entregouse no
Xulgado de 1ª Instancia nº9 da Coruña o recurso de reposición
fronte á providencia do 4 de outubro do 2013, referida á execución do desafiuzamento de Elisabeth Sanlés.
No mesmo solicítase
a paralización da orde de lanzamento ao abeiro da lei orgánica
1/1996 de Protección Jurídica del Menor onde no artigo 2 se dispón
que primará “el
interés superior de los menores sobre cualquier otro interés
legítimo que pudiera concurrir”
reforzado este
principio no artigo 3 da presente lei onde se di:
“Los menores
gozarán de los derechos que les reconoce la Constitución y los
Tratados Internacionales de los que España sea parte, especialmente
la Convención de Derechos del Niño de Naciones Unidas y los demás
derechos garantizados en el ordenamiento jurídico, sin
discriminación alguna por razón de nacimiento, nacionalidad, raza,
sexo, deficiencia o enfermedad, religión, lengua, cultura, opinión
o cualquier otra circunstancia personal, familiar o social”
Por
todo o relatado anteriormente, solicítase a paralización do
lanzamento de Elisabeth ate que as institucións competentes na
materia acaden unha solución pra o presente caso. Unha solución que
a Residencia Padre Rubinos (recurso ofertado insistentemente dende
Servicios Sociais da Coruña) non é.
Ao
longo da mañán de hoxe Elisabeth Sanlés intentou falar coa súa
traballadora social pra coñecer as solucións e medidas que o
devandito departamento atópase inspeccionando pra acadar unha
solución satisfactoria. A única resposta foi que seu expediente xa
fora enviado á Consellería de Benestar e Traballo, unha semana
despois de solicitalo, e que máis datos non podían revelárense xa
que a traballadora social non estaba presente. Curioso resulta que se
nomee a “confidencialidade” dos datos, cando o concelleiro de
Servicios Sociais, fai agora máis dunha semana, non dubidou en
airear nunha rolda de prensa datos persoais da afectada convintemente
manipulados, no que constitúe unha infracción
grave tipificada na lei
de servicios socias 13/2008 que
no seu artigo 81
apartado e,
recolle coma infracción grave “El incumplimiento del
deber de sigilo y confidencialidad en relación a la información
obtenida en el ejercicio de sus funciones.” e
no artigo 82 no apartado a
tipifícase coma infracción moi
grave “Proporcionar a
las personas usuarias tratos degradantes, discriminatorios o
incompatibles con su dignidad, así como la realización de
actuaciones que supongan violación, restricción o impedimento
injustificado de sus derechos fundamentales y libertades públicas.”
Cabe
lembrar que a Xunta de Galicia anunciou a comezos de mes o famoso
protocolo pra paralización de lanzamentos así coma a firma de
acordos coas mesmas entidades financieiras responsábeis da presente
crise. O citado “protocolo” non detén lanzamentos, simplemente rabuña tempo pra acadar unha solución aos casos dos e das
hipotecados/as,
ficando no limbo administrativo non xa os casos de impago de
alugueiro, se non o dereito básico e inalienable da vivenda, nunca
garantido e si comercializado e especulado.
Neste
senso, hai que recordar que Elisabeth leva xa unha semana enteira
pechada na súa casa ante a ameaza dun probable desafiuzamento que as
institucións competentes non se preocupan en desmentir ou confirmar
(a pesares de ter recoñecido que se atopa en situación de
vulnerabilidade social), coa tensión emocional que esto lle supón á
afectada.
Dende Stop Desafiuzamentos Coruña demandamos unha
solución competente pra o caso de Elisabeth, e a posta en marcha non
xa de convenios revisionistas, se non de leis garantistas dos
dereitos básicos inalienábeis, que ao abeiro da presente crise
atópanse pisoteados. Esta situación deixa ás persoas ninguneadas,
desprotexidas e totalmente a merced dunhas institucións que en
troques de solucionar con premura a emerxencia social, xestionan con
preguiza e despreocupación a ameaza social que a crise implementa xa
sobre un 25% das familias galegas que viven baixo o umbral da
pobreza, e case un 50% que ten graves dificultades pra chegar a fin
de mes (datos extraídos de www.ige.eu)
Stop
Desafiuzamentos Coruña fai un chamamento á veciñanza da Coruña a
seguir apoiando esta loita, a que se pasen por Antonio Noche 30, e a
que acudan mañán día 15 á timba poética que ás 13:00H
realizarase na citada rúa. Baixo a premisa Alegres e Combativas,
seguiremos resistindo e conquistando aquilo que os poderes nos
rouban: a nosa dignidade e o dereito a vivir.
No hay comentarios:
Publicar un comentario