4ª Asemblea de persoas afectadas

Continuamos coa dinámica das asembleas mensuais de persoas afectadas, nas que conflúe xente con dificultades derivadas das estafas hipotecarias, os altos prezos dos alugueiros, os desafiuzamentos por precario e outros problemas de acceso á vivenda.

Conxuntamente búscanse solucións e medidas de presión para facer efectivo o dereito á vivenda entendido como un dereito social, non xa como un ben de consumo de luxo.

A asemblea deste mes terá lugar este sábado día 15, ás 17h no Fórum Própolis (R/ Barcelona, 115). Acudide e difundide!